သင်္ဃန်းကျွန်းမြို့နယ်၌ “ဒို့အတူတူမဲပေးကြမယ်”မြေစိုက်ပိုစတာ စိုက်ထူ

 

သင်္ဃန်းကျွန်း ဒီဇင်ဘာ ၄

 

ရွေးကောက်ပွဲဆိုင်ရာ လက်ကမ်းစာစောင်များ၊ မြေစိုက်ပိုစတာများအား သင်္ဃန်းကျွန်းမြို့နယ် လူစည်ကားရာနေရာများ၌ ယနေ့နံနက်ပိုင်းမှစတင်၍ ဖြန့်ဝေ၊ စိုက်ထူပေးလျက်ရှိသည်။

 

စိုက်ထူ

ထိုသို့ ဖြန့်ဝေပေးရာတွင် “ဒို့အတူတူမဲပေးကြမယ် ” ပိုစတာ ၁၀ ခုတို့အား သင်္ဃန်းကျွန်းမြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးလှမျိုး၊ သင်္ဃန်းကျွန်းမြို့နယ် ရွေးကောက်ပွဲကော်မရှင် အဖွဲ့ခွဲဥက္ကဋ္ဌ ဦးမျိုးမြင့်နှင့် တာဝန်ရှိသူများက သင်္ဃန်းကျွန်းမြို့နယ် ကျွန်းမာလာပန်းခြံ၊ စံပြစျေး၊ မြို့နယ်လျှပ်စစ်ရုံးရှေ့၊ မြန်မာ့စီးပွားရေးဘဏ်ရှေ့၊ သုဝဏ္ဏလမ်းဆုံ၊ သုဝဏ္ဏစျေးရှေ့၊ ကမာကြည်ဖူဆယ်ဘောလုံးကွင်းရှေ့၊ ပြည်ထောင်စုပန်းခြံနှင့် သုဝဏ္ဏပန်းခြံတို့တွင် စိုက်ထူခဲ့ကြောင်း သိရသည်။

ဇော်မိုး (သင်္ဃန်းကျွန်း)