ပရိသတ်များအတွက် ရလဒ်ကောင်းရယူနိုင်ရန် ကြိုးစားမည်ဟု မြန်မာ ယူ-၂၂ အသင်းနည်းပြချုပ် ပြောကြား
ရန်ကုန် ဒီဇင်ဘာ ၄
မြန်မာ ယူ-၂၂ အသင်းနည်းပြချုပ်ဖြစ်သူ
ဂျပန်နိုင်ငံသား ကူရိုဆာကီက ဆီးဂိမ်းပြိုင်ပွဲတွင် ပရိသတ်များအတွက် ရလဒ်ကောင်းရယူနိုင်ရန်
ကြိုးစားမည်ဖြစ်ကြောင်း ပွဲကြိုသတင်းစာရှင်းလင်းပွဲတွင် ပြောကြားသည်။
ဆီးဂိမ်းအမျိုးသားဘောလုံးပြိုင်ပွဲ
အုပ်စု(C)အတွက် ပွဲကြိုသတင်းစာ ရှင်းလင်းပွဲကို ဒီဇင်ဘာ ၄ ရက်တွင် ချင်းမိုင်မြို့ရှိ
နှစ် ၇၀၀ ပြည့်အထိမ်း အမှတ်ဘောလုံးကွင်း သတင်းစာရှင်းလင်းပွဲ ခန်းမ၌ကျင်းပရာ မြန်မာ၊
အင်ဒိုနီးရှားနှင့် ဖိလစ်ပိုင်အသင်းတို့မှ နည်းပြချုပ်များ တက်ရောက်သည်။ မြန်မာ ယူ-၂၂
အသင်းနည်းပြချုပ် ကူရိုဆာကီက “ ပြိုင်ဘက်အသင်းတွေကို ကျွန်တော်တို့ လေးစားမှုနဲ့ယှဉ်ပြိုင်မှာပါ။
ဖိလစ်ပိုင်နဲ့ အင်ဒိုနီးရှားအသင်းတွေက တောင့်တင်းပြီး တကယ်ကောင်းတဲ့အသင်းတွေဆိုတာ သူတို့
တွေ့ဆုံခဲ့တဲ့ ပွဲတွေမှာ မြင်ခဲ့ပြီးပါပြီ။ ပြီးခဲ့တဲ့ အာဆီယံ ယူ-၂၃ ချန်ပီယံရှစ် ဆီမီးဖိုင်နယ်တက်တဲ့
နှစ်သင်းစလုံးကို ကြိုးစားပြီး ရင်ဆိုင်ပါမယ်။ ကျွန်တော်တို့ကို ကြည့်ရှုအားပေးနေတဲ့
ပရိသတ်အတွက် တစ်သင်းလုံး ကြိုးစားနေပါတယ်၊ ရလဒ်ကောင်းနဲ့ ပရိသတ်ကို ပျော်စေချင်ပါတယ်”ဟု ပြောကြားသည်။
ရှိုင်းထက်ဇော်
No comments