ကျွန်းစုမြို့နယ်၌ မဲရုံဖွင့်လှစ်မည့် အဆောက်အအုံများအား မီးဘေးလုံခြုံရေး ကွင်းဆင်းစစ်ဆေး

 

ကျွန်းစု ဇန်နဝါရီ ၉

 

တနင်္သာရီတိုင်းဒေသကြီး ကျွန်းစုမြို့နယ်တွင် မဲရုံဖွင့်လှစ်မည့် အဆောက်အအုံများအား မီးဘေးလုံခြုံရေးအတွက် ဇန်နဝါရီ ၈ ရက် နံနက်ပိုင်းက မဲရုံအဖြစ်ဖွင့်လှစ်မည့် ကျွန်းစုမြို့ မိုးလုံလေလုံအားကစားခန်းမ၌ စစ်ဆေးဆောင်ရွက်သည်။

 

ထိုသို့ဆောင်ရွက်ရာတွင် မြို့နယ်မီးသတ်ဦးစီးဌာနဦးစီးမှူး ဦးတင်ထွန်းနိုင်နှင့် မီးသတ်တပ်ဖွဲ့ဝင်များ၊ မီးဘေးလုံခြုံရေးအတွက် ဆောင်ရန်၊ ရှောင်ရန်အချက်များ အသိပညာပေးပြောကြားပြီး လျှပ်စစ်ပစ္စည်းများ အသုံးပြု‌နေမှုများနှင့် ရေစည်/ရေကန်များအား စစ်ဆေးခဲ့ကြကြောင်း သိရသည်။

ထက်မြင့် (ကျွန်းစု)