တနင်္သာရီမြို့နယ်အတွင်းရှိ မဲရုံများအား မီးဘေးလုံခြုံရေး ကွင်းဆင်းစစ်ဆေး

တနင်္သာရီ ဇန်နဝါရီ ၉

 

တနင်္သာရီတိုင်းဒေသကြီး တနင်္သာရီမြို့နယ်၌ ရွေးကောက်ပွဲ အပိုင်း(၂)တွင် ကျင်းပမည့် မဲရုံများအား မီးဘေးအန္တရာယ်လုံခြုံရေးအတွက် ဇန်နဝါရီ ၈ ရက် နံနက်ပိုင်းက မြို့နယ်မီးသတ်ဦးစီးဌာနမှ ကွင်းဆင်းစစ်ဆေးသည်။

 

ထိုသို့စစ်ဆေးရာတွင် မြို့နယ်မီးသတ်ဦးစီးဌာန ဦးစီးအရာရှိ ဦးဇင်ဦးချိုနှင့် တပ်ဖွဲ့ဝင်များက ရပ်ကွက်/ကျေးရွာအုပ်စုများတွင် မဲရုံပြုလုပ်မည့် စာသင်ကျောင်းများ၌ လျှပ်စစ်ဝိုင်ယာကြိုး သွယ်တန်းထားရှိမှုအခြေအနေများ၊ မဲရုံအတွင်းခန်းများ အလင်းရောင်ကောင်းစွာ ရရှိမှုအခြေအနေများ၊ မီးငြှိမ်းသတ်ရေးပစ္စည်းများနှင့် မီးသတ်ဆေးဘူးများထားရှိခြင်း ရှိ/မရှိတို့ကို စစ်ဆေးဆောင်ရွက်ခဲ့ကြောင်း သိရသည်။

သီသီခိုင်(ပြန်/ဆက်)