စက်သုံးဆီအတွက် ရန်ပုံငွေများ ဂျပန်ပိုမိုလိုအပ်မည်

တိုကျို  မတ်  ၂၃

စက်သုံးဆီအတွက် ထောက်ပံ့ငွေများပေးဆောင်ရန် ငွေပိုမိုလိုအပ်မည်ဟု ဂျပန်အစိုးရက ယုံကြည် ကြောင်း အင်န်အိတ်ချ်ကေသတင်းတစ်ရပ်တွင်ဖော်ပြထားသည်။

ယခုအခါ  အရှေ့အလယ်ပိုင်း ပဋိပက္ခနှင့်ပတ်သက်၍ စိုးရိမ်မှုများ မြင့်တက်လာချိန်တွင် အာဏာပိုင် များသည်  အရေးပေါ်ရန်ပုံငွေများကို အသုံးပြုရန် စီစဉ်နေကြသည်။

ထောက်ပံ့ငွေများကို   လွန်ခဲ့သောသီတင်းပတ်က စတင်အသုံးပြုခဲ့သည်။ ကနဦးထောက်ပံ့ကြေး ရန်ပုံငွေ ယန်း ဘီလီယံ ၂၈၀ သို့မဟုတ်   အမေရိကန်ဒေါ်လာ  ၁ ဒသမ ၇ ဘီလီယံခန့် ထည့်ဝင် သုံးစွဲလျက်ရှိသည်။

သို့သော်  ထောက်ပံ့ငွေများ ရေရှည်ဆက်လက် စီးဆင်းနေစေရန် နောက်ထပ်ရန်ပုံငွေများ လိုအပ် နေသည်ဟု အစိုးရအနေဖြင့် ယုံကြည်ကြောင်း  သတင်းရင်းမြစ်များတွင် ဖော်ပြထားသည်။

တာဝန်ရှိသူများသည် အရန် ရန်ပုံငွေမှ ယန်း ဘီလီယံ ၈၀၀ သို့မဟုတ် အမေရိကန်ဒေါ်လာ ၅ ဘီလီယံခန့်ကို အသုံးပြုရန် စီစဉ်နေကြသည်။ အဆိုပါရန်ပုံငွေသည် မတ်လတွင်ကုန်ဆုံးမည့် ဘဏ္ဍာနှစ်အတွက်ဖြစ်ပြီး   ယခုကဲ့သို့ အသုံးပြုမှုကြောင့် ရန်ပုံငွေများ မကြာမီကာလအတွင်း လုံးဝ ကုန်ဆုံးတော့မည်ဖြစ်သည်။ 

ပျမ်းမျှဓာတ်ငွေ့ဈေးနှုန်းသည် လွန်ခဲ့သောသီတင်းပတ်က တစ်လီတာလျှင် အမေရိကန်ဒေါ်လာ ၁ ဒသမ ၂ ခန့် မြင့်တက်လာခဲ့သည်။

ရန်ပုံငွေများစိုက်ထည့်ခြင်း၏ရည်ရွယ်ချက်မှာ ပျမ်းမျှဓာတ်ငွေ့ဈေးနှုန်း တစ်လီတာလျှင် အမေရိကန် ဒေါ်လာ တစ်ဒေါ်လာခန့်အထိ ဈေးနှုန်းကန့်သတ်ထားရန်ဖြစ်သည်။

ဒီဇယ်ဆီ၊ စက်မှုလုပ်ငန်းသုံး လောင်စာဆီ၊ ရေနံဆီအတွက် အလားတူအစီအစဉ်များကိုလည်း ချမှတ် ထားသည်။

အင်န်အိတ်ချ်ကေ