ရန်ကင်းမြို့နယ်၌ မီးဘေးအန္တရာယ်အသိပညာပေး ဟောပြော
ရန်ကုန် မတ် ၂၄
ရန်ကုန်တိုင်းဒေသကြီး ရန်ကင်းမြို့နယ် အမှတ်(၂)ရပ်ကွက် ဆရာစံလမ်းရှိ မြန်မာလေညှင်း (Cosmetic) ကုမ္ပဏီ၌ မီးဘေး အန္တရာယ်ကြိုတင်ကာကွယ်ရေး အသိပညာပေးဟောပြောခြင်းနှင့် မီးငြှိမ်းသတ်ရေး လက်တွေ့သရုပ်ပြလေ့ကျင့်ခြင်းကို ယနေ့မွန်းလွဲပိုင်းက ဆောင်ရွက်သည်။
ထိုသို့ ဆောင်ရွက်ရာတွင် ရန်ကင်းမြို့နယ်မီးသတ်ဦးစီးဌာနမှ လက်ထောက်မီးသတ်ဦးစီးမှူး ဦးဝေဖြိုးနိုင် ဦးဆောင်၍ မြန်မာလေညှင်း (Cosmetic) ကုမ္ပဏီဝန်ထမ်းများအား မီးလောင်မှုဖြစ်ပေါ်စေသည့် အကြောင်းရင်းများ၊ မီးဘေးအန္တရာယ်ဖြစ်ပေါ်လာပါက စနစ်တကျ မီးငြှိမ်းသတ်ရမည့်နည်းလမ်းများ၊ မီးဘေးအန္တရာယ် အသိပညာပေး ဟောပြောခဲ့ကြောင်း သိရသည်။
လှလှထွေး(ပြန်/ဆက်)
No comments