ကာဇက်စတန်နိုင်ငံ၌လာမည့်လေးနှစ်အတွင်း ကီလိုမီတာ ၅၀၀၀ ရှည်လျားသော ရထားလမ်းအသစ်များ တည်ဆောက်မည်

ဧပြီ ၂၄

ကာဇက်စတန်နိုင်ငံတွင် ခရီးသည်နှင့် ကုန်စည်နှစ်မျိုးလုံးအတွက် ရထားလမ်း သယ်ယူပို့ဆောင်ရေး စွမ်းရည်ကိုမြှင့်တင်ရန် လာမည့်လေးနှစ်အတွင်း ကီလိုမီတာ ၅၀၀၀ ရှည်လျားသော ရထားလမ်းအသစ်များတည်ဆောက်ရန် စီစဉ်ထားကြောင်း ကာဇက်စတန်ဝန်ကြီးချုပ် Olzhas Bektenov က  ကြေညာခဲ့သည်။

၂၀၃၅ ခုနှစ်တွင် ရထားလမ်းကုန်စည်ပို့ဆောင်မှုပမာဏကို တစ်နှစ်လျှင် တန်ချိန်  သန်း ၁၀၀ အထိ တိုးမြှင့်ရန်ရည်ရွယ်ထားကြောင်း မြို့တော်အက်စတာနာတွင်ကျင်းပသော ရထားလမ်းများ ပူးပေါင်း ဆောင်ရွက်ရေးအဖွဲ့ အိုအက်စ်ဂျေဒီ(OSJD)၏ ရထားလမ်းအထွေထွေဒါရိုက်တာများညီလာခံ၏ ၄၀ ကြိမ်မြောက် အစည်းအဝေးတွင် ဝန်ကြီးချုပ်က ပြောကြားခဲ့သည်။

ကုန်စည်ပို့ဆောင်ချိန်ကို ၁၈ ရက်အထိ လျှော့ချထားပြီး ၁၀ ရက်အထိ ရောက်ရှိရန် စီစဉ်ထားကြောင်း ၎င်း က ထပ်လောင်းပြောကြားခဲ့သည်။

ယခုနှစ်တွင် ၎င်း၏ နှစ် ၇၀ ပြည့် အထိမ်းအမှတ်အဖြစ် အိုအက်စ်ဂျေဒီသည် နိုင်ငံပေါင်း ၃၀ ကျော်တွင် ကီလိုမီတာ ၃၂၀၀၀၀ ကျော်ရှိသော ရထားလမ်းကွန်ရက်ကို စုစည်းထားပြီး နှစ်စဉ် ခရီးသည် ၅ ဒသမ ၅ ဘီလီယံခန့်နှင့် ကုန်စည်တန်ချိန် ငါးဘီလီယံခန့်ကို သယ်ယူပို့ဆောင်ပေးသည်ဟု သိရသည်။

ကိုးကား-ဆင်ဟွာ

ဘာသာပြန်-မြင့်မြင့်ချို