မိတ္ထီလာအကျဉ်းထောင်၌ မီးဘေးကြိုတင်ကာကွယ်ရေး လေ့ကျင့်သရုပ်ပြ

 

မိတ္ထီလာ မေ ၃

 

မန္တလေးတိုင်းဒေသကြီး မိတ္ထီလာမြို့ မိတ္ထီလာအကျဉ်းထောင်၌ မီးဘေးအန္တရာယ်ကြိုတင်ကာကွယ်ရေးအတွက် လက်တွေ့မီးငြှိမ်းသတ်ခြင်း ဇာတ်တိုက်လေ့ကျင့်သရုပ်ပြမှုကို ယနေ့နံနက် ၇ နာရီတွင် ဆောင်ရွက်သည်။

 

ထိုသို့ ဆောင်ရွက်ရာတွင် မိတ္ထီလာမြို့ အကျဉ်းဦးစီးဌာန လက်ထောက်ညွှန်ကြားရေးမှူး ဦးတင့်လွင် ဦးဆောင်သော အကျဉ်းဦးစီးဌာနဝန်ထမ်းများနှင့် ဝန်ထမ်းမိသားစုဝင်များအား မီးဘေးအန္တရာယ် ကြိုတင်ကာကွယ်ရေးအတွက် မီးသတ်ယာဉ်၊ မီးသတ်စက်ဖြင့် လက်တွေ့မီးငြှိမ်းသတ်ခြင်း၊ မီးသတ်ဆေးဘူးများဖြင့် လက်တွေ့မီးငြှိမ်းသတ်ခြင်းများကို ခရိုင်မီးသတ်စခန်းမှ ဦးစီးအရာရှိ ဦးသီဟအောင် ဦးစီးသော သန္ဓေတပ်ဖွဲ့ဝင်များက လက်တွေ့လေ့ကျင့်သရုပ်ပြသပေးခဲ့ကြောင်း သိရသည်။

ချမ်းသာ(မိတ္ထီလာ)