ပြည်ထောင်စုဝန်ကြီး ဦးမောင်မြင့် အမျိုးသားပြတိုက်(နေပြည်တော်) ကြည့်ရှုစစ်ဆေး

 

နေပြည်တော် မေ ၁၄

ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့်သည် ယနေ့ မွန်းလွဲပိုင်းတွင် ရှေးဟောင်းသုတေသနနှင့် အမျိုးသားပြတိုက်ဦးစီးဌာန အမျိုးသားပြတိုက်(နေပြည်တော်)ကို ကြည့်ရှုစစ်ဆေးသည်။

ဆောင်ရွက်ရန် မှာကြား

ကြည့်ရှုစစ်ဆေးစဉ် ယဉ်ကျေးမှုအမွေအနှစ်များကို တန်ဖိုးထားထိန်းသိမ်း၍ နည်းစနစ်မှန်ကန်စွာ ခင်းကျင်းပြသရန်၊ အများပြည်သူတို့ ချစ်ခင်မြတ်နိုးတန်ဖိုးထားစိတ်များ ဖြစ်ပေါ်လာစေရန်နှင့် မျိုးချစ် စိတ်ဓာတ်ရှင်သန်ထက်မြက်စေရေး အသိပညာပေး လှုံ့ဆော်မှုများကို ဆိုရှယ်မီဒီယာများမှတစ်ဆင့် ဆောင်ရွက်ရန် မှာကြားခဲ့ကြောင်း သိရသည်။

သတင်းစဉ်