တရုတ်-ထိုင်း တပ်မတော်များကြား ကြည်းတပ်ပူးတွဲစစ်ရေးလေ့ကျင့်မှု ဆောင်ရွက်မည်
ပေကျင်း မေ ၁၀
တရုတ်ပြည်သူ့လွတ်မြောက်ရေးတပ်မတော်နှင့်
ထိုင်းတပ်မတော်အကြား “Strike-2026” ဟု အမည်ရသည့် ကြည်းတပ်ပူးတွဲစစ်ရေးလေ့ကျင့်ခန်းကို
မေလအလယ်ပိုင်းနှင့် နှောင်းပိုင်းတွင် ဆောင်ရွက်မည်ဖြစ်ကြောင်း တရုတ်နိုင်ငံကာကွယ်ရေးဝန်ကြီးဌာန
ပြောရေးဆိုခွင့်ရှိသူ ဂျီအန်ဘင်း က မေ ၉ ရက်တွင် ပြောကြားသည်။
အဆိုပါစစ်ရေးလေ့ကျင့်ခန်းသည်
အကြမ်းဖက်မှုနှိမ်နင်းရေးဆိုင်ရာ ပူးတွဲစစ်ရေးလေ့ကျင့်ခန်း ဖြစ်ပြီး တောင်တန်းများနှင့်တောအုပ်များအတွင်း နှစ်နိုင်ငံတပ်မတော်တပ်ဖွဲ့များက တိုက်ပွဲအတွင်း ထိခိုက် ဒဏ်ရာရရှိသူများအား ပြုစုစောင့်ရှောက်ခြင်း၊
လူလိုက် ပါခြင်းမရှိသည့် ကာကွယ်ရေးဆိုင်ရာ ကိရိယာများကို ထိန်းချုပ်၍
လုပ်ငန်းဆောင်ရွက်ခြင်းနှင့် ကျည်အစစ်ဖြင့် ပစ်ခတ်တိုက်ခိုက်ခြင်းကို လေ့ကျင့်ဆောင်ရွက်မည်ဖြစ်ကြောင်း
၎င်းက ပြောကြားသည်။
ယခုစစ်ရေးလေ့ကျင့်ခန်းသည်(၈)ကြိမ်မြောက်ဆောင်ရွက်ခြင်းဖြစ်ကာ
နှစ်နိုင်ငံတပ်မတော်များ အကြား ဆက်ဆံရေးနှင့် ပူးပေါင်းဆောင်ရွက်မှုကို ခိုင်မာစေရေးနှင့်
တပ်ဖွဲ့များ၏ အကြမ်းဖက်မှု နှိမ်နင်းရေးစွမ်းပကားကို မြှင့်တင်ရန်ဆောင်ရွက်ခြင်းဖြစ်ကြောင်း ၎င်းက ဆက်လက်ပြောကြား သည်။
ကိုးကား - ဆင်ဟွာ
ဘာသာပြန် - စိုးသူရ
No comments