ကမ္ဘာ့ပတ်ဝန်းကျင်ထိန်းသိမ်းရေးနေ့ အထက်တန်းအဆင့် စာစီစာကုံးပြိုင်ပွဲကျင်းပ

 

ပုသိမ် မေ ၁၄

 

ဧရာဝတီတိုင်း​ဒေသကြီး ပညာရေးဦးစီးဌာနနှင့် ပတ်ဝန်းကျင်ထိန်းသိမ်း​ရေးဦးစီးဌာနတို့ပူး​ပေါင်း၍ ကမ္ဘာ့ပတ်ဝန်းကျင်ထိန်းသိမ်းရေးနေ့အား ကြိုဆိုဂုဏ်ပြု​သောအားဖြင့် အထက်တန်းအဆင့် စာစီစာကုံးပြိုင်ပွဲကို ပုသိမ်မြို့ အထက(၁) ရတနာတန်​ဆောင်ခန်းမတွင် ယနေ့နံနက်ပိုင်းက ကျင်းပရာ ဧရာဝတီတိုင်း​ဒေသကြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါ်မေသန်းဦး တက်ရောက်ကြည့်ရှု အားပေးသည်။

 

စာစီစာကုံးပြိုင်ပွဲကို ၂၀၂၆ ခုနှစ်​ဆောင်ပုဒ်ဖြစ်သည့် "A Global Call For Climate Action" “ရာသီဥတုပြောင်းလဲမှုကို တိုက်ဖျက်ဖို့ ဝိုင်းဝန်းကြိုးပမ်းဆောင်ရွက်စို့”  ခေါင်းစဉ်ဖြင့် ကျင်းပခဲ့ရာ ကျောင်းသား ကိုးဦး၊ ​ကျောင်းသူ ၁၈ ဦး ဝင်​ရောက်ယှဉ်ပြိုင်ခဲ့ကြပြီး ဆုရရှိသူများအား ဇွန် ၅ ရက်​​​တွင် ကျင်းပမည့် တိုင်း​ဒေသကြီးအဆင့် ကမ္ဘာ့ပတ်ဝန်းကျင် ထိန်းသိမ်း​ရေး​နေ့ အထိမ်းအမှတ်အခမ်းအနားတွင် ဆုများပေးအပ် ချီးမြှင့်သွားမည်ဖြစ်​ကြောင်း သိရသည်။

ခရိုင်(ပြန်/ဆက်)