ကျောင်းကုန်းမြို့၌ Football for School သင်တန်းသားများအား အာဟာရကျွေးမွေးလှူဒါန်း

 

ကျောင်းကုန်း မေ ၂၄

 

ဧရာဝတီတိုင်းဒေသကြီး ကျောင်းကုန်းမြို့နယ် မီတာ ၄၀၀ မြို့မအားကစားကွင်းအတွင်း၌ Pilot Project အစီအစဉ်အရ ဖွင့်လှစ်သင်ကြားလျက်ရှိသည့် Football for School ၊ Smart-School အားကစားသင်တန်းသားများအား မေ ၂၂ ရက်က သာဂူတိုက်ကျွေးခဲ့သည်။

 

အားကစားရေးရာဝန်ကြီးဌာနပြည်ထောင်စုဝန်ကြီး ဦးရဲမြင့်ထွန်းနှင့် ဧရာဝတီတိုင်းဒေသကြီး လွှတ်တော်ဥက္ကဋ္ဌ ဦးသိန်းထွန်းတို့ ထောက်ပံ့ပေးအပ်သည့် ငွေကျပ် ငါးသိန်းဖြင့် သင်တန်းသားများအား နို့ဆန်ပြုတ်နှင့် သာဂူများ ကျွေးမွေးလှူဒါန်းခဲ့ကြောင်း သိရသည်။

ဝင်းကြိုင်(ပြန်/ဆက်)