MFF ယူ-၁၆ ဖူဆယ်လိဂ်ပြိုင်ပွဲ ပွဲစဉ်(၂) ဆက်လက်ကျင်းပ

ရန်ကုန်     မေ     ၁၇

၂၀၂၆ MFF  ယူ-၁၆ ဖူဆယ် လူငယ်လိဂ်ပြိုင်ပွဲ ပွဲစဉ်(၂)ကို မေ ၁၇ ရက်က  ရန်ကုန်မြို့ သုဝဏ္ဏ ဘောလုံးကွင်းရှိ   MFF  ဖူဆယ် အားကစားရုံ၌ ဆက်လက်ကျင်းပ သည်။

ပွဲစဉ်(၂)တွင်  Mahar  Burma အသင်းက United City အသင်းကို ငါးဂိုး-တစ်ဂိုး၊ Avengers Junior အသင်းက     ဘူရှီဒိုအသင်းကို ခြောက်ဂိုး-နှစ်ဂိုး၊ FFU မင်းမဟော် အသင်းက မာရိန်းအသင်းကို ၁၀ ဂိုး-လေးဂိုး၊ TKA Star အသင်းက Victoria အသင်းကို သုံးဂိုး-နှစ်ဂိုး၊ SGF Youth အသင်းက ရွှေပြည်သာ ယူနိုက်တက်အသင်းကို ငါးဂိုး-နှစ်ဂိုးဖြင့် အနိုင်ရပြီး Pacific Sun Far အသင်းနှင့် Jullniss အသင်းတို့ နှစ်ဂိုးစီသရေကျခဲ့သည်။ ပွဲစဉ် (၁)တွင် အနိုင်ရထားသည့်အသင်းများအနက်  SGF Youth အသင်းနှင့် FFU မင်းမဟော်အသင်းတို့သာ နိုင်ပွဲဆက်ခဲ့ပြီး ကျန်အသင်းများ နိုင်ပွဲဆက် ပျောက်ဆုံးခဲ့သည်။

MFF ယူ-၁၆ ဖူဆယ်လိဂ်ပြိုင်ပွဲ အပတ်စဉ်တနင်္ဂနွေနေ့တိုင်း ကျင်းပလျက်ရှိသည်။                       

သတင်း - မောင်စံကြီး

ဓာတ်ပုံ - MFF