ဒလမြို့နယ်၌ တိုင်းရင်းသားရေးရာ အသိပညာပေးဟောပြောပွဲ ကျင်းပ

ဒလ ဇွန် ၁၈

 

တိုင်းရင်းသားရေးရာ အသိပညာပေး ဟောပြောခြင်း၊ ရပ်ရွာအခြေပြုအသက်မွေးဝမ်းကျောင်း ပညာလိုအပ်ချက်ဆန်းစစ်စီမံခြင်းနှင့် အခြေခံခြင်းတောင်းရက် သင်တန်းဖွင့်ပွဲအခမ်းအနားကို ဇွန် ၁၆ ရက်က ဒလမြို့နယ် ကျန်စစ်သားရပ်ကွက် ပင်းယလမ်းရှိ မူကြိုကျောင်း၌ ကျင်းပသည်။

 

ဦးစွာ ရန်ကုန်တိုင်းဒေသကြီး ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူးက အဖွင့်အမှာစကားပြောကြားပြီး တိုင်းရင်းသားစာပေနှင့် ယဉ်ကျေးမှုဦးစီးဌာန ညွှန်ကြားရေးမှူး ဦးပြေဟိန်းနိုင် က TA/LT ဆရာဆရာမများ ခန့်ထားခြင်းနှင့် ပတ်သက်သည့် အကြောင်းအရာများ၊ ရန်ကုန်တောင်ပိုင်းခရိုင် လူမှုဝန်ထမ်းဦးစီးဌာနမှ ဒုတိယ ညွှန်ကြားရေးမှူး ဒေါ်စိမ်းလဲ့ရည် က ကလေးသူငယ်အခွင့်အရေး၊ အမျိုးသမီးအခွင့်‌အရေး၊ မသန်စွမ်းသူများအခွင့်အရေးနှင့် လူမှုရေး ပင်စင်ထောက်ပံ့ပေးအပ်မှုဆိုင်ရာများ၊ သမဝါယမဦးစီးဌာနမှ လက်ထောက်ညွှန်ကြားရေးမှူး ဦးကျော်စွာသိမ်းက သမဝါယမဦးစီးဌာနတွင် လုပ်ကိုင်လျက်ရှိသည့် လုပ်ငန်းများနှင့် စပ်လျဉ်း၍ အသိပညာပေး ဟောပြောခဲ့ကြောင်း သိရသည်။

 

ခင်စန္ဒာမြင့်(ပြန်/ဆက်)