ဘာစီလိုနာအသင်းနဲ့ ပီအက်စ်ဂျီအသင်းတို့ ဂိုးပြတ်နိုင်ပွဲကိုယ်စီရရှိခဲ့

 

၂၀၂၆-၂၀၂၇ ဘောလုံးရာသီရဲ့   ချန်ပီယံလိဂ်အဖွင့်ပွဲစဉ်တွေကို စက်တင်ဘာ   ၉   ရက်  ညပိုင်းနဲ့ စက်တင်ဘာ ၁၀ ရက် နံနက်ပိုင်းတို့မှာ ဆက်လက်ယှဉ်ပြိုင်ကစားခဲ့ရာ ဘာစီလိုနာအသင်းနဲ့ ပီအက်စ်ဂျီအသင်းတို့ဟာ ဂိုးပြတ်နိုင်ပွဲကိုယ်စီ ရရှိခဲ့ပါတယ်။

ဘာစီလိုနာအသင်းဟာ  အဖွင့်ပွဲစဉ်မှာ ဖီယင်နုအသင်းနဲ့  ယှဉ်ပြိုင်ကစားခဲ့ရတာဖြစ်ပြီး  ဘာစီလိုနာအသင်းက ဖီယင်နု အသင်းကို ငါးဂိုး - တစ်ဂိုးဖြင့် အနိုင်ရရှိခဲ့တာဖြစ်ပါတယ်။

အဲဒီပွဲစဉ်မှာ ဘာစီလိုနာအသင်းအတွက် သွင်းဂိုးတွေကို ရာဖင်ညာက နှစ်ဂိုး၊ အက်ဒီယီမီကတစ်ဂိုး၊ ယာမယ်ကတစ်ဂိုးနဲ့ ဂါဘရီယယ်ဂျီး ဆက်ကတစ်ဂိုး အသီးသီးသွင်းယူပေးခဲ့တာဖြစ်ပါတယ်။

ပီအက်စ်ဂျီအသင်းကတော့ ဆလိုဗန်အသင်းကို ခြောက်ဂိုး - တစ်ဂိုးဖြင့် အနိုင်ရရှိခဲ့တာဖြစ်ပြီး ပီအက်စ်ဂျီအသင်းအတွက် သွင်းဂိုးတွေကို ဒမ်ဘီလီကနှစ်ဂိုး၊  ဖာရန်တောရက်စ်ကသုံးဂိုးနဲ့  ဖာဘီရန်ရုဇ်က တစ်ဂိုး အသီးသီးသွင်းယူပေးခဲ့တာ ဖြစ်ပါ တယ်။

ပီအက်စ်ဂျီအသင်းနဲ့ ဘာစီလိုနာအသင်းတို့ဟာ  ဂိုးပြတ်နိုင်ပွဲ ကိုယ်စီရရှိခဲ့တာကြောင့်  ချန်ပီယံလိဂ်အမှတ်ပေး ဇယားထိပ်ဆုံးမှာ  ဦးဆောင်နိုင်ခဲ့တာလည်းဖြစ်ပါတယ်။

အခြားသောချန်ပီယံလိဂ်ပွဲစဉ်တွေမှာတော့ စတုဂတ်အသင်းက ဗီကင်းအသင်းကို သုံးဂိုး - တစ်ဂိုး၊ လီဗာပူးအသင်းက အက်သလက်တီကို မက်ဒရစ်အသင်းကို နှစ်ဂိုး - တစ်ဂိုး၊ အာဆင်နယ်အသင်းက နာပိုလီအသင်းကို တစ်ဂိုး-ဂိုးမရှိ၊ စပို့တင်းအသင်းက ဂါလာတာစာရေးအသင်းကို သုံးဂိုး -  တစ်ဂိုး စသဖြင့် အသီးသီးအနိုင်ရရှိခဲ့တာဖြစ်ပါတယ်။       

ငွေကြယ်