MFF U-16 ဖူဆယ်လိဂ်ပြိုင်ပွဲ VICTORIA အသင်း အမှတ်ပေးဇယား အဆင့်(၁)၌ ဆက်လက်ရပ်တည်

 

ရန်ကုန် အောက်တိုဘာ ၈

MFF U-16 Youth Futsal League 2026 ဒုတိယအကျော့ ပွဲစဉ်(၁၃) ပြိုင်ပွဲများကို   ယနေ့တွင်   ရန်ကုန်မြို့ရှိ   MFF  Futsal  Stadium ၌ ဆက်လက်ယှဉ်ပြိုင်ကစားခဲ့ရာ VICTORIA အသင်းက MAR REIN အသင်းကို သုံးဂိုး-တစ်ဂိုးဖြင့် အနိုင်ရရှိကာ ရမှတ် ၃၄ မှတ်ဖြင့် အမှတ်ပေးဇယား အဆင့်(၁) နေရာကို ဆက်လက်ဦးဆောင်ခဲ့သည်။

ယနေ့ ပွဲစဉ်များတွင် FFU MINMAHAW FC အသင်းက SHWE PYI THAR UTD FC အသင်းကို ငါးဂိုး-တစ်ဂိုး၊ BUSHIDO FC က TKA STAR အသင်းကို ငါးဂိုး-သုံးဂိုး၊ UNITED CITY အသင်းက JULLNISS အသင်း ကို နှစ်ဂိုး-တစ်ဂိုး၊ SGF YOUTH FC အသင်းက PACIFIC SUN FAR FC အသင်းကို သုံးဂိုး-နှစ်ဂိုးဖြင့် အသီးသီးအနိုင်ရရှိခဲ့ပြီး MAHAR BURMA နှင့်  AVENGERS JUNIOR အသင်းပွဲစဉ်တွင် တစ်ဖက်တစ်ဂိုးစီဖြင့် သရေကျကာ တစ်မှတ်စီခွဲယူခဲ့ကြသည်။

ဒုတိယအကျော့ ပွဲစဉ် (၁၃) အပြီးတွင် VICTORIA FC နှင့် SGF YOUTH FC က ၃၄ မှတ်စီ၊  MAHAR  BURMA  အသင်းနှင့်  FFU MINMAHAW အသင်းက ၂၅ မှတ်စီ၊  UNITED CITY FC က ၂၁ မှတ်၊ PACIFIC SUN FAR FC က ၂၀ မှတ်၊ JULLNISS FC က ၁၉ မှတ်၊ TKA STARS FC က ၁၅ မှတ်၊ BUSHIDO FC က ၁၀ မှတ်၊ SHWE PYI THAR UTD FC က ၃ မှတ်နှင့် MAR REIN FC က တစ်မှတ် အသီးသီးရရှိထားသည်။

နေမျိုး၊ ဓာတ်ပုံ-MFF