မြန်မာအမျိုးသမီး ဖူဆယ်လိဂ်ပြိုင်ပွဲ စတင်ကျင်းပ

ရန်ကုန် နိုဝင်ဘာ ၉

 

၂၀၂၆-၂၀၂၇ ရာသီ မြန်မာအမျိုးသမီး ဖူဆယ်လိဂ်ပြိုင်ပွဲ ပွဲစဉ်(၁)ကို နိုဝင်ဘာ ၉ ရက်က ရန်ကုန်မြို့ သုဝဏ္ဏဘောလုံးကွင်းရှိ MFF ဖူဆယ်အားကစားရုံ၌ စတင်ကျင်းပသည်။

 

ပွဲစဉ်(၁)တွင် ယူ-၁၉ အသင်းက ဒဂုံဆိပ်ကမ်းအသင်းကို ၁၄ ဂိုး-တစ်ဂိုး၊ YRG အသင်းက ရွိုင်ရယ် ပန်ထွာအသင်းကို နှစ်ဂိုး - တစ်ဂိုး၊ ရိုးမအသင်းက ဘူရှီဒိုအသင်းကို ၁၄ ဂိုး - ဂိုးမရှိ၊ The Stars အသင်းက မင်္ဂလာဒုံစီးတီးအသင်းကို သုံးဂိုး - တစ်ဂိုး၊ Pacific Sun Far အသင်းက လှိုင်သာယာအသင်းကို ကိုးဂိုး - ဂိုးမရှိဖြင့် အနိုင်ရရှိသည်။

 

ယခုရာသီ အမျိုးသမီးဖူဆယ်လိဂ်ပြိုင်ပွဲတွင် အသင်း ၁၀ သင်း ပါဝင်ယှဉ်ပြိုင်နေပြီး အသင်းသစ်အချို့လည်း ပါဝင်ယှဉ်ပြိုင်လျက်ရှိသည်။ ကလပ်အသင်းအချို့မှာ နိုင်ငံခြားသား ကစားသမားများ ထည့်သွင်းအသုံးပြုလျက်ရှိပြီး အမျိုးသမီးဘောလုံးကလပ်  တည်ထောင်ထားသည့် အသင်းအချို့မှာ ဘောလုံးအသင်းမှ ကစားသမားအချို့ကို ထည့်သွင်းအသုံးပြု လျက်ရှိသည်။

 

သတင်း - ရှိုင်းထက်ဇော်၊

ဓာတ်ပုံ - MFF