မြောင်းမြ၌ ဆောင်းသီးနှံစိုက်ပျိုးစရိတ်များ ထုတ်ချေးပေးလျက်ရှိ

 

မြောင်းမြ   ဇန်နဝါရီ   ၂၁

 

ဧရာဝတီတိုင်းဒေသကြီး ၊ မြောင်းမြခရိုင် လယ်ယာဖွံ့ဖြိုးရေးဘဏ်မှ ၂၀၂၁ -၂၀၂၂ ဘဏ္ဍာနှစ်အတွက် ဆောင်းသီးနှံ စိုက်ပျိုးစရိတ်ချေးငွေများကို ဇန်နဝါရီ ၂၁ ရက် နံနက်ပိုင်းက ဆက်လက်ထုတ်ချေး ပေးလျက်ရှိသည်။

 

ဆောင်းသီးနှံ စိုက်ပျိုးသူ တောင်သူများအား စိုက်ပျိုးစရိတ်ချေးငွေအနေဖြင့် တစ်ဧကလျှင် ၁၅၀၀၀၀ နှုန်း ထုတ်ပေးလျက်ရှိပြီး ယနေ့တွင် မြောင်းမြမြို့နယ်ရှိ ထန်းကုန်း၊ ငါးဒန်တရာနှင့် ဦးနုချောင်း ကျေးရွာများမှ တောင်သူများအား ထုတ်ချေးပေးသွားမည်ဖြစ်ကြောင်း သိရသည်။

 

၂၀၂၁ -၂၀၂၂ ဘဏ္ဍာနှစ်အတွက် ဆောင်းသီးနှံစရိတ်ထုတ်ချေးရန် လျာထားငွေမှာ ငွေကျပ်သိန်း ၁၃၀၀၀ ဖြစ်ကြောင်း၊ ချေးငွေထုတ်ချေးခြင်းကို ၂၀၂၁ ခုနှစ်၊ နိုဝင်ဘာ ၁ ရက်မှ စတင်ထုတ်ချေး ပေးလျက်ရှိရာ ယနေ့အထိ ကျေးရွာ ၂၃ ရွာရှိ တောင်သူ ၁၁၄၆ ဦးပိုင်ဆိုင်သည့် ဧက ၆၆၅၉ အတွက် ငွေကျပ် သိန်း ၉၉၈၈ ဒသမ ၅၀ ထုတ်ချေးပြီးဖြစ်ကြောင်း၊ ကျန်ရှိသော ကျေးရွာများကိုလည်း ယခုလအတွင်း အပြီးထုတ်ချေးသွာမည်ဖြစ်ကြောင်း မြန်မာ့လယ်ယာဖွံဖြိုးရေးဘဏ်မှ တာဝန်ရှိသူတစ်ဦး၏ ပြောကြား ချက်အရ သိရသည်။

 

စန္ဒာကြည်(ပြန်/ဆက်)