ဟင်္သာတ တက္ကသိုလ်၌ ပိုက်ကျော်ခြင်း(အမျိုးသား) ပြိုင်ပွဲ ဖွင့်ပွဲကျင်းပ

ဟင်္သာတ ဇူလိုင် ၄

ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့ရှိ ဟင်္သာတတက္ကသိုလ် အားကစားခန်းမရုံ၌ ဇူလိုင် ၄ ရက် နံနက်ပိုင်းက ၂၀၂၂-၂၀၂၃ ပညာသင်နှစ်၊ ဘာသာရပ်အလိုက် ပိုက်ကျော်ခြင်း(အမျိုးသား) ပြိုင်ပွဲ ဖွင့်ပွဲကို ပြုလုပ်ခဲ့သည်။

အခမ်းအနားတွင် ဟင်္သာတတက္ကသိုလ် အားကစားနှင့် ကာယပညာကော်မတီနာယက ပါမောက္ခချုပ် ဒေါက်တာသိင်္ဂီရွှေက အဖွင့်အမှာစကား ပြောကြားပြီး  ပြိုင်ပွဲများ ကျင်းပ​သည်။ ပိုက်ကျော်ခြင်း(အမျိုးသား)ပြိုင်ပွဲ)ကို ဇူလိုင် ၄ ရက်မှ ၁၀ ရက်အထိ ပြုလုပ်သွားမည်ဖြစ်ပြီး ​ဟင်္သာတတက္ကသိုလ် ဘာသာရပ်အသီးသီးမှ ပြိုင်ပွဲဝင်အသင်း ၁၂ သင်းတို့မှ အုပ်စု လေးအုပ်စုခွဲကာ ယှဥ်ပြိုင်သွားမည်ဖြစ်သည်။

အခမ်းအနားသို့ ဟင်္သာတတက္ကသိုလ် ပါမောက္ခချုပ် ဒေါက်တာသိင်္ဂီရွှေ၊ ဒုတိယပါမောက္ခချုပ်များ၊ ဟင်္သာတတက္ကသိုလ် ပိုက်ကျော်ခြင်း ဆပ်ကော်မတီဥက္ကဋ္ဌ ဒေါက်တာဒေါ်ယဉ်ယဉ်မြင့်၊ သင်ကြားရေးဌာနအသီးသီးမှ ပါမောက္ခ/ဌာနမှူးများ၊ နည်းပြ ဆရာ/ဆရာမများနှင့် ဘာသာရပ်အသီးသီးမှ ကိုယ်စားပြုပြိုင်ပွဲဝင်အသင်း ၁၂ သင်းမှ အသင်းသားများ၊ ကျောင်းသား ကျောင်းသူများ တက်ရောက်ခဲ့​ကြသည်။

ခရိုင်(ပြန်/ဆက်)