ကျိုက္ခမီဆုတောင်းပြည့် ရေလယ်ဆံတော်ရှင်မြတ်ဘုရားကြီးတွင် ဘုရားဖူးလာပြည်သူများဖြင့် စည်ကားလျက်ရှိ

 သံဖြူဇရပ်    အောက်တိုဘာ   ၁၉

မွန်ပြည်နယ်၊ သံဖြူဇရပ်မြို့နယ် ကျိုက္ခမီဆုတောင်းပြည့် ရေလယ်ဆံတော်ရှင်မြတ်ဘုရားကြီးတွင်  သီတင်းကျွတ်လပြည့်​ကျော် ၂ ရက်​နေ့ဖြစ်သည့်  ယနေ့တွင် နံနက်ပိုင်းမှစ၍ ဘုရားဖူးလာ ပြည်သူများဖြင့် စည်ကားလျက်ရှိ​ကြောင်း သိရသည်။

ဘုရားဖူးလာပြည်သူများအ​နေဖြင့် သီတင်းကျွတ်ကာလ​ ကျောင်းပိတ်ရက်၊ ရုံးပိတ်ရက်များ၌ အနယ်နယ်အရပ်ရပ်မှ​ ရောက်ရှိလာကြပြီး စိတ်​အေးချမ်း​မြေ့စွာဖြင့် ဆု​တောင်းပြည့်​ရေလယ် ဆံတော်ရှင်မြတ်ဘုရားကြီးအား ဖူး​မျှော်ကန်​တော့ခြင်းနှင့် ငါးစာများ​ကျွေး​မွေးခြင်းများဖြင့် ကုသိုလ်ယူခြင်း၊ ဘုရားဖူးလာ ရဟန်းသံဃာ​တော်များအား ဘုရားကြီးပုရဝုဏ်အတွင်းရှိ  ရေလယ်​ဘုန်း​တော်ကြီး​ကျောင်းတွင် အရုဏ်ဆွမ်း၊ နေ့ဆွမ်းများကပ်လှူခြင်းတို့ကို သီတင်းကျွတ်လပြည့်​နေ့မှစ၍ လပြည့်​ကျော် ၅ ရက်​နေ့အထိ (၆)ရက်တိုင်တိုင် လှူဒါန်းသွားမည်ဖြစ်​ကြောင်း သိရသည်။

(မြို့နယ် ပြန်/ဆက်)