ထိုင်း- ကမ္ဘောဒီးယား နယ်စပ်၌ တိုက်ပွဲများ ဖြစ်ပွားမှုကြောင့် ၉ ဦး သေဆုံး

ဇူလိုင် ၂၄

ထိုင်းနှင့်ကမ္ဘောဒီးယားနိုင်ငံတို့၏ တပ်ဖွဲ့များအကြား အငြင်းပွားနေသော နယ်စပ်တလျှောက်တွင် တိုက်ပွဲများ ဖြစ်ပွားခဲ့သည်။

အဆိုပါတိုက်ပွဲများကြောင့် ထိုင်းဘက်ခြမ်းတွင် ကိုးဦးထက်မနည်းသေဆုံးပြီး အရပ်သားများ အပါအဝင် ၁၀ ဦးကျော် ဒဏ်ရာရရှိခဲ့သည်ဟု ထိုင်းတပ်မတော်က ဆိုသည်။

ထိုတိုက်ပွဲများသည် ယနေ့မနက်ပိုင်းတွင် စတင်ဖြစ်ပွားခဲ့ခြင်းဖြစ်သည်။

ထိုင်းတပ်မတော်က ကမ္ဘောဒီးယားတပ်ဖွဲ့များကို F-16 တိုက်လေယာဉ်များဖြင့်တိုက်ခိုက်ကာ တပ်စွဲထားကြောင်း ပြောကြားသည်။

နယ်စပ်တလျှောက်တွင် တိုက်ပွဲများ ဆက်လက်ဖြစ်ပွားလျက်ရှိသည်ဟု ယူဆရသည်။

မေလက နှစ်နိုင်ငံတပ်ဖွဲ့များ အပြန်အလှန်ပစ်ခတ်မှုကြောင့် ကမ္ဘောဒီးယား တပ်မတော်သားတစ်ဦး သေဆုံးခဲ့သည်ဟု သိရသည်။

ကိုးကား-အင်န်အိတ်ချ်ကေ

ဘာသာပြန်-မြင့်မြင့်ချို