နာမည်ကြီး ဆွီယာတက်ခ်က ပါအိုလီနီကို အနိုင်ယူပြီး စင်စင်နတီအိုးပင်းဖလား ဆွတ်ခူး
စင်စင်နတီအိုးပင်း အမျိုးသမီးတစ်ဦးချင်းပြိုင်ပွဲ နောက်ဆုံးဗိုလ်လုပွဲအဖြစ် ဩဂုတ်
၁၉ ရက်က ယှဉ်ပြိုင်ကစားခဲ့သည့် အီဂါ ဆွီယာတက်ခ်နှင့် ဂျက်စမင်းပါအိုလီနီတို့ပွဲစဉ်တွင် ဆွီယာတက်ခ်က
၇-၅၊ ၆-၄ ရလဒ်ဖြင့် အနိုင်ရဗိုလ်စွဲခဲ့သည်။
အသက် ၂၄ နှစ်အရွယ် ကမ္ဘာ့အဆင့်
(၃) ပိုလန်တင်းနစ်မယ် ဆွီယာတက်ခ်သည် ပြီးခဲ့သည့်လက ယှဉ်ပြိုင်ကစားခဲ့သည့် ဝင်ဘယ်ဒန်ပြိုင်ပွဲတွင်လည်း
ကမ္ဘာ့အဆင့် (၁၃) ရှိ အမေရိကန်နာမည်ကျော် တင်းနစ်မယ်
အမန်ဒါ အနီဆီမိုဗာကို ၆-၀၊ ၆-၀ ရလဒ် ဖြင့်
အနိုင်ယူကာ ဗိုလ်စွဲထားသူဖြစ်သည်။
၎င်းသည် ယခုပြိုင်ပွဲတွင်လည်း နာမည်ကြီး တင်းနစ်မယ်များဖြစ်သည့် ကော့ စတစ်ခ်၊
ကာလင်းစ် ကာယာ၊ ရွိုင်ဘာကီနာ၊ ပါအိုလီနီတို့ကို အဆင့်ဆင့်ကျော်ဖြတ်ထားပြီး စင်စင်နတီအိုးပင်းဖလားကို
ထိုက်ထိုက်တန်တန် ဆွတ်ခူးနိုင်ခဲ့ခြင်းဖြစ်သည်။
အောင်ဇော်
No comments