ကချင်ပြည်နယ် ပူတာအိုမြို့နယ်အတွင်း ဒေသဖွံ့ဖြိုးရေးလုပ်ငန်းများဆောင်ရွက်
နေပြည်တော် စက်တင်ဘာ ၁၄
နယ်စပ်ရေးရာဝန်ကြီးဌာန နယ်စပ်ဒေသနှင့်
တိုင်းရင်းသာ လူမျိုးများ ဖွံ့ဖြိုးတိုးတက်ရေးဦးစီးဌာန အနေဖြင့် ဒေသဖွံ့ဖြိုးရေးလုပ်ငန်းများကို
တစ်နိုင်ငံလုံး အကြားအလပ်မရှိ အကောင်အထည်ဖော် ဆောင်ရွက်ပေးလျက်ရှိရာ ၂၀၂၅-၂၀၂၆ ဘဏ္ဍာနှစ်
နယ်စပ်ဒေသဖွံ့ဖြိုးရေး ပြည်ထောင်စုရန်ပုံငွေဖြင့် ကချင်ပြည်နယ် ပူတာအိုမြို့နယ် နောင်ခိုင်-ဇီးအွန်-မူလာရှီးဒီလမ်း
၁၂ မိုင် ခုနစ်ဖာလုံအနက် ၁၀ မိုင် ခုနစ်ဖာလုံကို ကျောက်ခင်းပြီး ကျန်ရှိသည့် နှစ်မိုင်ကျောက်ခင်းခြင်း
လုပ်ငန်းဆောင်ရွက်လျက်ရှိ သည်။
နယ်စပ်ရေးရာ ဝန်ကြီးဌာနအနေဖြင့် ကချင်ပြည်နယ်အတွင်း
နယ်စပ်ဒေသဖွံ့ဖြိုးရေး ပြည်ထောင်စုရန်ပုံငွေကျပ် ၁၂၂၉ ဒသမ ၀၀၆ သန်းဖြင့် ကျောက်လမ်း
တစ်မိုင်၊ ကျောက်လမ်းပြုပြင် ထိန်းသိမ်းခြင်း တစ်မိုင်နှင့် မဂွေဇ- ခေါင်လန်ဖူး ၆၅ မိုင် ၄ ဖာလုံ
လမ်းပေါ်၌ သဘာဝဘေးအန္တရာယ် ကြောင့်ဖြစ်ပေါ်ခဲ့သည့် လမ်းပိတ်ဆို့မှု ရှင်းလင်းခြင်းလုပ်ငန်းများကို
ဆောင်ရွက်ပေးလျက်ရှိကြောင်း သိရသည်။
သတင်းစဉ်
No comments