စပိန်နိုင်ငံ မက်ဒရစ်မြို့၌ ပေါက်ကွဲမှုဖြစ်ပွား၊ ၂၁ ဦးထက်မနည်း ဒဏ်ရာရ

 

မက်ဒရစ်   စက်တင်ဘာ   ၁၄

စပိန်နိုင်ငံ   မြို့တော်မက်ဒရစ်၌ စက်တင်ဘာ ၁၃ ရက် မွန်းလွဲပိုင်း က  ပေါက်ကွဲမှုဖြစ်ပွားပြီးနောက် အဆောက်အအုံ တစ်စိတ်တစ်ပိုင်း ပြိုကျမှုဖြစ်ပွားသဖြင့်   ၂၁   ဦး ထက်မနည်း ဒဏ်ရာရရှိကြောင်း ဒေသဆိုင်ရာ အာဏာပိုင်များက   ပြောကြားသည်။

စပိန်နိုင်ငံ မက်ဒရစ်တောင်ပိုင်း ဘားတစ်ခုအတွင်း ညနေ ၃ နာရီဝန်းကျင်က   ပေါက်ကွဲမှုဖြစ်ပွား ခဲ့ကြောင်း   ပြည်တွင်းရုပ်မြင်သံကြား   ကွန်ရက်တယ်လီမက်ဒရစ် အရေးပေါ်ဝန်ဆောင်မှုအဖွဲ့က  ပြောကြားသည်။  သုံးဦးမှာ ဒဏ်ရာပြင်းထန်ကြောင်းအရေးပေါ်ဝန်ဆောင်မှုအဖွဲ့က ပြောကြား သည်။   အခင်းဖြစ်ပွားရာနေရာသို့  မီးသတ်တပ်ဖွဲ့ဝင်များ၊  လူနာတင်ယာဉ်များ၊ ဒေသခံနှင့် အမျိုးသားရဲအရာရှိများကို  စေလွှတ်ခဲ့ကြောင်း သိရသည်။ အခင်းဖြစ်ပွားရခြင်းအကြောင်းရင်းကို    စုံစမ်းစစ်ဆေးနေပြီး ဓာတ်ငွေ့ယိုစိမ့်မှုကြောင့် အဆိုပါ ပေါက်ကွဲမှုဖြစ်ပွားခြင်းဖြစ်နိုင်ကြောင်း   ကနဦးသတင်းများအရ သိရသည်။                   

ဆင်ဟွာ