မင်းလှမြို့၌ စားအုန်းဆီများ သက်သာသောဈေးနှုန်းဖြင့် ရောင်းချပေး

 

မင်းလှ ဇန်နဝါရီ ၂၁

 

ပဲခူးတိုင်းဒေသကြီး မင်းလှမြို့နယ် ပြည်သူ့ဆေးရုံ၌ ကျန်းမာရေးစောင့်ရှောက်မှုများ လာရောက်ခံယူကြသည့် အငြိမ်းစားနိုင်ငံ့ဝန်ထမ်းများအား စားအုန်းဆီများသက်သာသော ဈေးနူန်းဖြင့် လစဉ်ရောင်းချပေးခြင်းကို ယနေ့နံနက် ၉ နာရီက ဆောင်ရွက်ပေးသည်။

 

ထိုသို့ဆောင်ရွက်ရာတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၊ တိုင်း/ခရိုင်/မြို့နယ်ဆီလုပ်ငန်းများအသင်းနှင့် ဆီကိုယ်စားလှယ်များအသင်း၊ မြို့နယ်စားသုံးသူရေးရာဦးစီးဌာန၊ မြို့နယ်ကျန်းမာရေးဦးစီးဌာနတို့က မင်းလှမြို့နယ်တွင် ဆီဖြန့်ဖြူးသည့် Wilmar ကုမ္ပဏီနှင့် Golden Plam ကုမ္ပဏီတို့ပူးပေါင်း၍ အခမဲ့ဆေးကုသမှု လာရောက်ခံယူကြသည့် အငြိမ်းစားနိုင်ငံ့ဝန်ထမ်းများအား စားအုန်းဆီ တစ်ပိဿာလျှင် ငွေကျပ် ၆၈၁၀ ဖြင့် ရောင်းချပေးခြင်းကို ကြည့်ရှုခဲ့၍ လိုအပ်သည်များကို ကူညီဆောင်ရွက်ပေးခဲ့သည်။

မြို့နယ်(ပြန်/ဆက်)