တောင်ကြီးမြို့နယ် ဆူးပုတ်ကွေ့ကျေးရွာ၌ ရုရှားနေကြာ စိုက်ပျိုးထားရှိမှု တာဝန်ရှိသူများ ကွင်းဆင်းကြည့်ရှု

 

တောင်ကြီး ဖေဖော်ဝါရီ ၈

 

ရှမ်းပြည်နယ်(တောင်ပိုင်း) တောင်ကြီးမြို့နယ် ဆူးပုတ်ကွေ့ကျေးရွာရှိ သိန်းဓနထွန်း လယ်ယာနှင့် အထွေထွေစီးပွားရေးသမဝါယမအသင်းမှ ရုရှားနေကြာမျိုး စိုက်ပျိုးထားရှိမှု အခြေအနေများကို ဖေဖော်ဝါရီ ၇ ရက် နံနက်ပိုင်းတွင် တာဝန်ရှိသူများက ကွင်းဆင်းကြည့်ရှု စစ်ဆေးသည်။

 

ထိုသို့ကွင်းဆင်းကြည့်ရှုရာတွင် ရှမ်းပြည်နယ်သမဝါယမဦးစီးဌာန ပြည်နယ်ဦးစီးမှူး ဦးကျော်မိုးတင့်နှင့် တာဝန်ရှိသူများက စိုက်ခင်းအား ကြည့်ရှုရာတွင် အပင်ပေါက်နှုန်းအား ကောင်းမွန်စေရေး၊ လိုအပ်သည့် အစိုဓာတ်ရရှိရန်အတွက် ရေသွယ်တန်းမှု၊ စိုက်နည်းစနစ်နှင့်အညီ စိုက်ပျိုးထားရှိမှုရှိ/မရှိ ကွင်းဆင်းကြည့်ရှုခဲ့ကြောင်း သိရသည်။

ဝိုးတောင်း