အရှေ့အလယ်ပိုင်းဒေသ ပဋိပက္ခဖြစ်ပွားမှုမှာ အဓိကဆွေးနွေးမည့် အကြောင်းအရာဖြစ်ဖွယ်ရှိ

ဒူဘိုင်း မတ် ၃၁

ဓာတ်ဆီနှင့် ဒီဇယ်ဆီ

ဈေးနှုန်းများ ယခင်လထက်မြင့်တက်လာပြီး ဧပြီလတွင်လည်း စက်သုံးဆီ ဈေးနှုန်းများ သိသိသာသာ မြင့်တက်နိုင်ကြောင်း အာရပ်စော်ဘွားများ ပြည်ထောင်စု(UAE) စက်သုံးဆီ ဈေးနှုန်းကော်မတီက မတ် ၃၁ ရက်တွင် ကြေညာခဲ့သည်။

ဧပြီလ ၁ ရက်မှစ၍ Super 98 ဓာတ်ဆီသည် တစ်လီတာလျှင် ယူအေအီးဒါဟမ် ၂ ဒသမ ၅၉ (အမေရိကန်ဒေါ်လာ ၀ ဒသမ ၇၁ ခန့်) မှ ယူအေအီးဒါဟမ် ၃ ဒသမ ၃၉ (အမေရိကန်ဒေါ်လာ ၀ ဒသမ ၉၂) အထိ မြင့်တက်မည်ဖြစ်ပြီး ယခင်ဈေးနှုန်းထက် ၃၀ ဒသမ ၉ ရာခိုင်နှုန်း တိုးလာမည်ဖြစ်ပါ သည်။ 95 ဈေးနှုန်းသည် တစ် လီတာလျှင် ယူအေအီးဒါဟမ် ၂ ဒသမ ၄၈ (အမေရိကန် ဒေါ်လာ ၀ ဒသမ ၆၈) မှ ယူအေအီးဒါဟမ် ၃ ဒသမ ၂၈ (အမေရိကန် ဒေါ်လာ ၀ ဒသမ ၈၉) အထိ မြင့်တက်လာ မည်ဖြစ်သဖြင့် ယခင်ဈေးနှုန်း ထက် ၃၂ ဒသမ ၃ ရာခိုင်နှုန်း တက်လာမည်ဖြစ်သည်။

E-Plus 91 ဈေးနှုန်းသည် တစ်လီတာလျှင် ယူအေအီးဒါဟမ် ၂ ဒသမ ၄၀ (အမေရိကန်‌ ဒေါ်လာ ၀ ဒသမ ၆၅) မှ ယူအေအီး ဒါဟမ် ၃ ဒသမ ၂၀ (အမေရိကန်‌ ဒေါ်လာ ၀ ဒသမ ၈၇) အထိ မြင့်တက်မည်ဖြစ်ပြီး ယခင် ဈေးနှုန်းထက် ၃၃ ဒသမ ၃ ရာခိုင်နှုန်း တိုးလာမည်ဖြစ်သည်။ ဒီဇယ်သည် တစ်လီတာလျှင် ယူအေအီးဒါဟမ် ၂ ဒသမ ၇၂ (အမေရိကန်ဒေါ်လာ ၀ ဒသမ ၇၄) မှ ယူအေအီးဒါဟမ် ၄ ဒသမ ၆၉ (အမေရိကန်ဒေါ်လာ ၁ ဒသမ ၂၈) အထိ မြင့်တက်သွားမည်ဖြစ်ပြီး ယခင်ဈေးနှုန်းထက် ၇၂ ဒသမ ၄ ရာခိုင်နှုန်းအထိ ခုန်တက်သွားမည်ဖြစ်သည်။

ဆီဈေးနှုန်းများသည် မတ်လအတွင်း အနည်းငယ်မျှသာ မြင့်တက်ခဲ့ပြီး ဧပြီလဆန်း၌ တစ်ဟုန်ထိုး မြင့်တက်မည်ဖြစ်သည်။

ကမ္ဘာ့ရေနံဈေး မြင့်တက်လာခြင်းကြောင့် စက်သုံးဆီဈေးနှုန်းများ ကမ္ဘာနှင့်တစ်ဝန်း မြင့်တက်လာခြင်း ဖြစ်ကြောင်း လေ့လာသူများက သုံးသပ်ဖော်ပြထားသည်။

အာရပ် စော်ဘွားများ ပြည်ထောင်စုသည် ၂၀၁၅ ခုနှစ် ကတည်းက စက်သုံးဆီဈေးနှုန်းများ ကန့်သတ်ခဲ့ပြီး ပြည်တွင်း ဈေးနှုန်းများကို နိုင်ငံတကာပေါက်ဈေးများနှင့် ချိန်ညှိထားသည်။

ဆင်ဟွာ