ပခုက္ကူပညာရေးဒီဂရီကောလိပ်၌ အဆောက်အအုံများ ပြုပြင်မွမ်းမံခြင်းလုပ်ငန်းဆောင်ရွက်နေမှု ကွင်းဆင်းစစ်ဆေး

 

ပခုက္ကူ ဩဂုတ် ၁၆

 

မကွေးတိုင်းဒေသကြီး ပခုက္ကူ ပညာရေး ဒီဂရီကောလိပ်၌ အဆောက်အအုံများ ပြုပြင်မွမ်းမံခြင်း လုပ်ငန်းဆောင်ရွက်နေမှုကို ယမန်နေ့နံနက်ပိုင်းက တာဝန်ရှိသူများ ကွင်းဆင်းကြည့်ရှု စစ်ဆေးကြသည်။

 

ထိုသို့ ကွင်းဆင်းစစ်ဆေးရာတွင် ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးမြင့်နိုင်၊ ပြည်သူ့လွှတ်တော်ကိုယ်စားလှယ် ဦးလှဝင်းဦးနှင့် တာဝန်ရှိသူများက ၂၀၂၆-၂၀၂၇ ဘဏ္ဍာနှစ် ခွင့်ပြုရန်ပုံငွေများဖြင့် ပခုက္ကူပညာရေး ဒီဂရီကောလိပ်၌ ကံ့ကော်နှစ်ထပ်ဆောင် ဆေးသုတ်ခြင်း၊ မြဟေမာ အမျိုးသားအိပ်ဆောင် အမိုး အသစ်လဲခြင်း၊ စားသောက်ဆောင် ဆေးသုတ်ခြင်းနှင့် စားသောက် ဆောင်မျက်နှာကြက် ပြုပြင်ခြင်းလုပ်ငန်းများကို ကြည့်ရှုစစ်ဆေးကြပြီး ကျောင်းအုပ်ဆရာမကြီး ဒေါ်မြင့်မြင့်သန်းနှင့် တာဝန်ခံ အင်ဂျင်နီယာတို့က ဆက်လက် ဆောင်ရွက်ရမည့် လုပ်ငန်းများနှင့် စပ်လျဉ်း၍ ရှင်းလင်းတင်ပြမှုအပေါ် လိုအပ်သည်များဆောင်ရွက် ပေးခဲ့ကြောင်း သိရသည်။

ဘာမီသာ(ပခုက္ကူ)