တတိယအကြိမ် ရန်ကုန်တိုင်းဒေသကြီးလွှတ်တော် တတိယပုံမှန်အစည်းအဝေး ပထမနေ့ကျင်းပ
ရန်ကုန် ဩဂုတ် ၁၂
တတိယအကြိမ် ရန်ကုန်တိုင်းဒေသကြီးလွှတ်တော်
တတိယ ပုံမှန်အစည်းအဝေး ပထမနေ့ကို ယနေ့မွန်းလွဲပိုင်းတွင် ရန်ကုန်တိုင်းဒေသကြီး လွှတ်တော်အစည်းအဝေးခန်းမ၌
ကျင်းပရာ တိုင်းဒေသကြီးလွှတ်တော် ကိုယ်စားလှယ်ကိုးဦး မေးမြန်းသည့် ကြယ်ပွင့်ပြမေးခွန်း
ကိုးခုကို သက်ဆိုင်ရာ တိုင်းဒေသကြီးအဆင့် အဖွဲ့အစည်းဝင်များက ဖြေကြားကြသည်။
တက်ရောက်
အစည်းအဝေးတွင် တိုင်းဒေသကြီး လွှတ်တော်ဥက္ကဋ္ဌက
အစည်းအဝေး တက်ရောက်မှု အခြေအနေကို လွှတ်တော်သို့ တင်ပြပြီး အစည်းအဝေး အထမြောက်ကြောင်းနှင့်
စတင်ကျင်းပကြောင်း ကြေညာကာ အစည်းအဝေး တက်ရောက်မှု အခြေအနေကို အတည်ပြုချက် ရယူမှတ်တမ်းတင်သည်။
ထို့ပြင် ရန်ကုန်တိုင်းဒေသကြီး ၂၀၂၆-၂၀၂၇
ဘဏ္ဍာရေးနှစ် နောက်ထပ်ဘဏ္ဍာငွေ ခွဲဝေသုံးစွဲရေး လျာထားချက်ကို ရန်ကုန်တိုင်းဒေသကြီး
အစိုးရအဖွဲ့ကိုယ်စား စီမံကိန်း၊ စီးပွားရေးနှင့် ဘဏ္ဍာရေးဝန်ကြီးက လွှတ်တော်သို့ တင်သွင်းခြင်းတို့ကို
ဆောင်ရွက်ပြီး တတိယအကြိမ် ရန်ကုန်တိုင်းဒေသကြီး လွှတ်တော် တတိယပုံမှန်အစည်းအဝေး ပထမနေ့ကို
ရပ်နားလိုက်ကြောင်း သိရသည်။
တိုင်းဒေသကြီး(ပြန်/ဆက်)
No comments