ဧရာဝတီတိုင်းဒေသကြီး သမဝါယမအသင်းစုချုပ်လီမိတက် လုပ်ငန်းညှိနှိုင်းစည်းဝေး

 

ပုသိမ် စက်တင်ဘာ ၁၀

 

ဧရာဝတီတိုင်းဒေသကြီး ပုသိမ်မြို့တွင် ဖွဲ့စည်းပြီး သမဝါယမအသင်းများအား ကျစ်လျစ်ခိုင်မာသော သမဝါယမအသင်းများအဖြစ် ပြန်လည်ဖွဲ့စည်းရေး၊ မြို့နယ်သမဝါယမအသင်းစုများနှင့် အသင်းစုချုပ်တို့၏ ပေးရန်၊ ရရန်များ ရှင်းလင်းရေးတို့နှင့်ပတ်သက်၍ လုပ်ငန်းညှိနှိုင်း အစည်းအဝေးကို စက်တင်ဘာ ၉ ရက်က တိုင်းဒေသကြီး သမဝါယမအသင်းစုချုပ်လီမိတက် အစည်းအဝေးခန်းမ၌ ကျင်းပသည်။

 

ဦးစွာ သမဝါယမဦးစီးဌာန တိုင်းဒေသကြီးဦးစီးမှူးက အမှာစကား ပြောကြားပြီး အသင်းစုချုပ် အုပ်ချုပ်မှုဒါရိုက်တာက လုပ်ငန်းဆောင်ရွက်မှုအခြေအနေများ ရှင်းလင်းတင်ပြ၍ မြို့နယ်သမဝါယမအသင်းစုဥက္ကဋ္ဌများက သမဝါယမအသင်းများ ဖွဲ့စည်းရေး၊ စနစ်ကျသော စိုက်ပျိုးရေးမွေးမြူရေးလုပ်ငန်းများ အကောင်အထည်ဖော် ဆောင်ရွက်မှုအခြေအနေများ ဆွေးနွေးတင်ပြချက်များအပေါ် တိုင်းဒေသကြီးဦးစီးမှူးက ဖြည့်စွက်ဆွေးနွေးပြီး ပေါင်းစပ်ညှိနှိုင်းဆောင်ရွက်ခဲ့ကြောင်း သိရသည်။

ခရိုင်(ပြန်/ဆက်)