ပခုက္ကူမြို့နယ်၌ ဝါစိုက်တောင်သူများအား သွင်းအားစုမြေသြဇာပေးအပ်

 

ပခုက္ကူ စက်တင်ဘာ ၁၀

 

မကွေးတိုင်းဒေသကြီး စိုက်ပျိုးရေးဦးစီးဌာန၏ ၂၀၂၆-၂၀၂၇ ဘဏ္ဍာနှစ် ချည်မျှင်ရှည်ဝါသီးနှံ ဖွံ့ဖြိုးတိုးတက်ရေးရန်ပုံငွေဖြင့် ပခုက္ကူမြို့နယ်အတွင်းရှိ ဝါစိုက်တောင်သူများအား သွင်းအားစုမြေသြဇာပေးအပ်ပွဲကို စက်တင်ဘာ ၉ ရက်က မြို့နယ်စိုက်ပျိုးရေးဦးစီးဌာနရုံး၌ ကျင်းပသည်။

 

ဦးစွာ ပခုက္ကူခရိုင်စိုက်ပျိုးရေးဦးစီးမှူးက အမှာစကားပြောကြားပြီး မြို့နယ်စိုက်ပျိုးရေးဦးစီးမှူးက သွင်းအားစုမြေသြဇာများ ပေးအပ်ရခြင်းနှင့်စပ်လျဉ်း၍ ရှင်းလင်းပြောကြားသည်။

 

ဆက်လက်၍ ပခုက္ကူမြို့နယ်အတွင်းရှိ ကျေးရွာအုပ်စု ငါးအုပ်စုမှ တောင်သူ ၉၂ ဦး၏ ချည်မျှင်ရှည်ဝါစိုက်ဧရိယာ ၄၅၁ ဧကအတွက် ကွန်ပေါင်းမြေသြဇာ ၅၆ အိတ်ကို တာဝန်ရှိသူများက ပေးအပ်ခဲ့ကြကြောင်း သိရသည်။

ဘာမီသာ(ပခုက္ကူ)