စီမံချက်လုပ်ငန်းအစီအစဉ်များ မိတ်ဆက်ပွဲကျင်းပ

 

ရန်ကုန် စက်တင်ဘာ ၂၂

 

ရန်ကုန်တိုင်းဒေသကြီး လှိုင်သာယာ(အနောက်ပိုင်း)မြို့နယ် လူမှုဝန်ထမ်းဦးစီးဌာနနှင့် Terre des hommes-Lousanne Country office Myanmar တို့ ပူးပေါင်းဆောင်ရွက်သည့် စီမံချက်လုပ်ငန်း အစီအစဉ် မိတ်ဆက်ပွဲအခမ်းအနားကို ယနေ့နံနက်ပိုင်းက လှိုင်သာယာ (အနောက်ပိုင်း)မြို့နယ် Sky Hotel ခန်းမ၌ ကျင်းပသည်။

 

ဦးစွာ လှိုင်သာယာ(အနောက်ပိုင်း)မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌက အမှာစကားပြောကြားပြီး Tdh-L အဖွဲ့မှ စီမံချက်မန်နေဂျာက Tdh-L အဖွဲ့မှ‌ အကောင်အထည်ဖော်ဆောင်နေသည့် စီမံချက်များအကြောင်းနှင့် Tdh-L တာဝန်ရှိသူတစ်ဦးက မိသားစု ပြန်လည်ပေါင်းစည်းဝင်ဆံ့ရေး လုပ်ငန်းစဉ်များကို ဆွေးနွေးကြသည်။

 

ထို့နောက် စီမံချက်၌ လိုအပ်သောကြီးကြပ်ပံ့ပိုးမှုများဖြင့် ဘဝရပ်တည်နေထိုင်နိုင်ရေးလုပ်ငန်းစဉ်၊ အခြားနည်းလမ်းများဖြင့် ပြုစုစောင့်ရှောက်ခြင်းနှင့် ကလေးသူငယ်များ တရားမျှတမှုလက်လှမ်းမီရေး လုပ်ငန်းစဉ်များကို Tdh-L အဖွဲ့တာဝန်ရှိသူများက ဆွေးနွေးခဲ့ကြကြောင်း သိရသည်။

မြို့နယ်(ပြန်/ဆက်)