တောင်ကြီးမြို့၌ ကျောက်တုံးကြီးလိမ့်ကျမှုဖြစ်ပွား

 

တောင်ကြီး စက်တင်ဘာ ၂၀

 

တောင်ကြီးမြို့ သစ်တောရပ်ကွက် ရှမ်းပြည်နယ် သတ္တုတွင်းဦးစီးဌာနရုံး၏ အနောက်ဘက်ရှိ တောင်ပေါ်မှ ကျောက်တုံးသည်မြေသားများ အိကျ၍စက်တင်ဘာ ၁၉ ရက် ည ၁၁ နာရီ ၄၅ မိနစ်တွင် ပြည်ထောင်စုလမ်းမကြီး တောင်ကြီး-ဟိုပုံးသွား လမ်းဘေး၌ ကျောက်တုံးလိမ့်ကျမှု ဖြစ်ပွားခဲ့သည်။

 

ကျောက်တုံးလိမ့်ကျမှုကြောင့် ရှမ်းပြည်နယ်သတ္တုတွင်း ဦးစီးဌာန ရုံးအဆောက်အအုံ ပေ(၁၀၀x ၈၀) သွပ်မိုး အုတ်ညှပ်တစ်ထပ် ရုံးအဆောက်အအုံတစ်လုံး ပြိုကျပျက်စီးခဲ့သည်။ SHN12/9N-7215NISSAN Xtrail ယာဉ်တစ်စီး၊ HNS 24/1/-1577 Honda Fit ယာဉ်တစ်စီး ဆုံးရှုံးခဲ့ကြောင်း၊ လမ်းမကြီးပေါ် ပိတ်ဆို့နေသောမြေသားများ၊ ကျောက်တုံး/ကျောက်ခဲများ၊ သစ်ကိုင်းများကို ဝိုင်းဝန်းဖယ်ရှားပေးခဲ့ရပြီး လူနှင့်တိရစ္ဆာန် ထိခိုက်ဒဏ်ရာရရှိမှုမရှိကြောင်း သိရသည်။

စိုင်းသန်းကျော်(တောင်ကြီး)