အင်းစိန်မြို့နယ်၌ လူငယ်စကားဝိုင်းကျင်းပ

 

 ရန်ကုန် စက်တင်ဘာ ၂၄

 

ရန်ကုန်တိုင်းဒေသကြီး အင်းစိန်မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် 1 NESS International School တို့ ပူးပေါင်းကာ လူငယ်စကားဝိုင်းကို ယမန်နေ့နံနက်ပိုင်းက အင်းစိန်မြို့နယ် မြို့နယ်ခန်းမ၌ ကျင်းပသည်။

 

အမှာစကားပြောကြား

ဦးစွာ ရန်ကုန်တိုင်းဒေသကြီး ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်းက အမှာစကားပြောကြားသည်။

 

ဆက်လက်၍ လူငယ်စကားဝိုင်းတွင် အင်းစိန်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူးက ဦးဆောင်ဆွေးနွေးသူအဖြစ်လည်းကောင်း၊ 1 NESS International School မှ ဒေါ်ဂျူလိုင်မိုးမြင့်က တွဲဖက်ဦးဆောင်ဆွေးနွေးသူ အဖြစ်လည်းကောင်း ဆောင်ရွက်ပြီး ကျောင်းသား ကျောင်းသူ ခြောက်ဦးတို့က လူငယ်နှင့် ကျန်းမာရေး၊ လူငယ်နှင့် ပညာရေး၊ လူငယ်နှင့်စာရိတ္တ၊ လူငယ်နှင့် နည်းပညာ၊ လူငယ်နှင့် စာပေ၊ လူငယ်နှင့်အားကစား စသည့် ခေါင်းစဉ်များဖြင့် ဆွေးနွေးခဲ့ကြကြောင်း သိရသည်။

ဇင်မင်းထိုက်(ပြန်/ဆက်)