ရေနံထုတ်လုပ်မှုကို နိုဝင်ဘာလတွင်လည်း ဆက်လက်ထိန်းသိမ်းသွားမည်ဟု အိုပက်ပလက်စ်ပြောကြား

 

ဗီယင်နာ  အောက်တိုဘာ  ၄

ရေနံတင်ပို့ရောင်းချသူများအသင်း အိုပက်နှင့် ၎င်း၏ မဟာမိတ်နိုင်ငံများပါဝင်သည့် အိုပက်ပလက်စ်   (OPEC+)  သည်  ၎င်းတို့၏  ရေနံထုတ်လုပ်မှုကို နိုဝင်ဘာလတွင်လည်း ဒုတိယမြောက်လအဖြစ် ဆက်လက်ထိန်းသိမ်းသွားမည်ဟု အိုပက်အဖွဲ့က  အောက်တိုဘာ  ၄  ရက်တွင် ကြေညာချက်ထုတ် ပြန်ခဲ့သည်။

ဆော်ဒီအာရေဗျ၊ ရုရှား၊ အီရတ်၊ ကူဝိတ်၊ ကာဇက်စတန်၊ အယ်ဂျီးရီးယားနှင့် အိုမန်နိုင်ငံတို့အပါအဝင် အိုပက်ပလက်စ် (OPEC+) အဖွဲ့ဝင်နိုင်ငံများသည် ကမ္ဘာ့ဈေးကွက်အခြေအနေနှင့် စီးပွားရေးအခြေအနေ တို့ကို ပြန်လည်သုံးသပ်ရန် အွန်လိုင်းမှတစ်ဆင့် အစည်းအဝေးပြုလုပ်ပြီးနောက် ဆုံးဖြတ်ချက်ချခဲ့ခြင်းဖြစ်သည်။

အိုပက်ပလက်စ်   (OPEC+)  ၇  နိုင်ငံသည်  ယခုနှစ်   ဧပြီလမှ စက်တင်ဘာလအထိ လစဉ်ရေနံထုတ်လုပ်မှုကို  တိုးမြှင့်ခဲ့ပြီး အောက်တိုဘာလတွင်မူ ရေနံထုတ်လုပ်မှုတိုးမြှင့်ခြင်းကို ခေတ္တရပ်ဆိုင်းခဲ့ကြသည်။ နိုဝင်ဘာ ၁ ရက်တွင် ဈေးကွက်အခြေအနေနှင့် အနာဂတ်ဆုံးဖြတ်ချက်များကို သုံးသပ်ရန်အတွက် နောက်ထပ်အစည်းအဝေး ပြုလုပ်သွားမည်ဟု သိရသည်။                                          

ဆင်ဟွာ