ထိုင်းနိုင်ငံ၌ ရေကြီးရေလျှံမှုကြောင့် ၃၁ ဦး သေဆုံးပြီး လူပေါင်း ၄ ဒသမ ၁၄ သန်းခန့် ရေဘေးသင့်

 

ဘန်ကောက်  အောက်တိုဘာ  ၅

စက်တင်ဘာ ၁၆ ရက်မှစတင်ကာ ထိုင်းနိုင်ငံတစ်ဝန်း ရေကြီးရေလျှံမှုများ ဖြစ်ပွားမှုကြောင့် ၃၁ ဦး  သေဆုံးကာ လူပေါင်း ၄ ဒသမ ၁၄ သန်းခန့် ရေဘေးသင့်ခဲ့ကြောင်း အာဏာပိုင်များက အောက်တိုဘာ ၅ ရက်တွင် ပြောကြားသည်။

ပြည်နယ်ပေါင်း ၂၆ ခုနှင့် မြို့တော်ဘန်ကောက်ရှိ လူပေါင်း ၃ ဒသမ ၅၂   သန်းနီးပါးသည် ရေကြီးရေလျှံမှုဒဏ်နှင့် ရင်ဆိုင်နေကြရဆဲဖြစ်ကြောင်း ဘေးအန္တရာယ်တားဆီးကာကွယ်ရေးနှင့်  လျော့ပါးရေးဦးစီးဌာန၏ ထုတ်ပြန်ချက်အရ သိရသည်။

မိုးသည်းထန်စွာရွာသွန်းမှု၊ မိုးသက်မုန်တိုင်းနှင့် လေပြင်းတိုက်ခတ်မှုများသည် မြို့တော် ဘန်ကောက်အပါအဝင် နိုင်ငံတစ်ဝန်း ဒေသအနှံ့အပြား၌ အောက်တိုဘာ  ၇  ရက်အထိဖြစ်ပေါ်နိုင်ကြောင်း အဆိုပါဦးစီးဌာနက ပြောကြားသည်။                                            

ဆင်ဟွာ