ဒေးဒရဲမြို့နယ်၌ အကြိုအခြေခံမီးသတ်သင်တန်းဖွင့်

ဒေးဒရဲ အောက်တိုဘာ ၁၉

 

ဧရာဝတီတိုင်းဒေသကြီးဒေးဒရဲမြို့နယ်၌ အယ်လ်နီညိုကာလအတွင်း မီးလောင်မှု/ မီးလန့်မှု မဖြစ်ပွားစေရေးအတွက် ယနေ့နံနက်ပိုင်းက ဒေးဒရဲမြို့နယ်မီးသတ်ဦးစီးမှူးရုံးခန်းမ၌ အကြိုအခြေခံမီးသတ် သင်တန်းဖွင့်လှစ်ခဲ့သည်။

 

အဆိုပါသင်တန်းကိုဈေးများ၊ စက်သုံးဆီအရောင်းဆိုင်များ၊ စက်ရုံ/အလုပ်ရုံများမှ သီးသန့်မီးသတ်တပ်ဖွဲ့ဝင်များအား အကြိုအခြေခံမီးသတ် သင်တန်းဖွင့်လှစ်ခဲ့ရာ ခရိုင်မီးသတ်ဦးစီးမှူး လက်ထောက်ညွှန်ကြားရေးမှူးဦးဇော်မင်းဦးက သင်တန်းဖွင့်လှစ်ရခြင်း ရည်ရွယ်ချက်များ ပြောကြားခြင်း၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးမြသိန်းမောင်က အမှာစကားပြောကြားခြင်းတို့ ဆောင်ရွက်ခဲ့ပြီးသင်တန်းဖွင့်ပွဲသို့ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီအဖွဲ့ဝင်များ၊ မြို့နယ်စည်ပင်သာယာအမှုဆောင် အရာရှိနှင့် လုပ်ငန်းရှင်များ၊ အရန်မီးသတ်ခေါင်းဆောင်များနှင့် သီးသန့်မီးသတ်တပ်ဖွဲ့ဝင် အင်အား ၅၀ တက်ရောက်ခဲ့ကြောင်း သိရသည်။

 

မင်းထက်သာ