မော်လမြိုင်မြို့ အထွေထွေရောဂါကု ပြည်သူ့ဆေးရုံကြီးတွင် ဆေးသိုလှောင်ရုံ နှစ်ထပ် အဆောက်အအုံတည်ဆောက်
မော်လမြိုင် အောက်တိုဘာ
၃၀
မွန်ပြည်နယ် မော်လမြိုင်မြို့
အထွေထွေရောဂါကု ပြည်သူ့ဆေးရုံကြီးတွင် ဆေးနှင့်ဆေးပစ္စည်းများ စနစ်တကျ သိုလှောင်ထိန်းသိမ်းနိုင်ရေးအတွက်
၂၀၂၆-၂၀၂၇ ဘဏ္ဍာနှစ် ပြည်ထောင်စု ဘဏ္ဍာရန်ပုံငွေဖြင့် ဆေးသိုလှောင်ရုံနှစ်ထပ် အဆောက်အအုံ
တည်ဆောက်လျက်ရှိသည်။
ကြည့်ရှုစစ်ဆေး
အဆိုပါ တည်ဆောက်ရေးလုပ်ငန်းခွင်ကို
ယနေ့မွန်းလွဲပိုင်းတွင် မွန်ပြည်နယ်ဝန်ကြီးချုပ် ဦးအောင်ဝင်းသန်းသည် ပြည်နယ်ဝန်ကြီးများနှင့်အတူ
သွားရောက်ကြည့်ရှုစစ်ဆေးသည်။
ကြည့်ရှုစစ်ဆေးစဉ်
ဆေးသိုလှောင်ရုံ အမြန်ဆုံးပြီးစီးရေး၊ သတ်မှတ်စံချိန်စံညွှန်းများနှင့်အညီ ခိုင်ခံ့သပ်ရပ်စွာ
တည်ဆောက်ရေးတို့နှင့်စပ်လျဉ်း၍ မှာကြားသည်။
ဆက်လက်၍ အမျိုးသမီးနှင့်
ကလေးဆေးရုံကြီးတွင် တာဝန်ထမ်းဆောင်နေသည့် ကျန်းမာရေးဝန်ထမ်းများ အဆင်ပြေစွာနေထိုင်နိုင်ရေးအတွက်
၂၀၂၆-၂၀၂၇ ဘဏ္ဍာနှစ် ပြည်ထောင်စုဘဏ္ဍာရန်ပုံငွေဖြင့် အဆောက်အဦဦးစီးဌာန အဆောက်အအုံ အထူးအဖွဲ့
(၁၃) က တည်ဆောက်လျက်ရှိသော အမှုထမ်းအိမ်ရာလေးခန်းတွဲ လေးထပ်အိမ်ရာ တည်ဆောက်နေမှုကို
ကြည့်ရှုစစ်ဆေးပြီး လုပ်ငန်းဆိုင်ရာများ မှာကြားသည်။
ထို့အတူ မော်လမြိုင်မြို့
ဇေယျာသီရိရဲစခန်းတွင် ၂၀၂၆-၂၀၂၇ ဘဏ္ဍာနှစ် ပြည်ထောင်စု ဘဏ္ဍာရန်ပုံငွေဖြင့် တပ်ဖွဲ့ဝင်
လူပျိုဆောင်အသစ် ဆောက်လုပ်ပြီးစီးမှုနှင့် စခန်းဝင်း ခြံစည်းရိုး ကာရံခြင်းလုပ်ငန်းများ
ဆောင်ရွက်ပြီးစီးမှု အခြေအနေကို ကြည့်ရှုစစ်ဆေးခဲ့ကြောင်း သိရသည်။
စည်သူ(ပြန်/ဆက်)
No comments