နည်းပြ အာတီတာ ချန်ပီယံအာဆင်နယ်နှင့် ၂၀၃၀ ပြည့်နှစ်အထိ သက်တမ်းတိုးစာချုပ် ချုပ်ဆို

 

နည်းပြ မီခေးလ်အာတီတာသည် ပရီမီယာလိဂ်ချန်ပီယံ အာဆင်နယ်အသင်းနှင့် ၂၀၃၀ ပြည့်နှစ်အထိရှိမည့် သက်တမ်းတိုးစာချုပ်တစ်ရပ်ကို ချုပ်ဆို​လိုက်ပြီဖြစ်ကြောင်း သိရသည်။

အသက် ၄၄ နှစ် စပိန်လူမျိုး နည်းပြအာတီတာ၏ လက်ရှိစာချုပ်သက်တမ်းမှာ ယခုနှစ်ရာသီကုန်တွင် ကုန်ဆုံးတော့မည်ဖြစ်သော်လည်း သက်တမ်းတိုးစာချုပ်ကြောင့် အမ်းမရိတ်တွင်  ၂၀၃၀   ပြည့်နှစ် အထိ ရှိနေတော့မည်ဖြစ်သည်။ ၎င်း၏ စာချုပ်သစ်တွင် လက်ရှိလုပ်ခလစာ တစ်နှစ် ပေါင် ၁၀ သန်း အပြင် အပိုဆုကြေး ပေါင် ၅ သန်း ပါရှိကြောင်း သိရသည်။   

၂၀၁၉ ခုနှစ်တွင်   အာဆင်နယ်နည်းပြအဖြစ် ခန့်အပ်ခြင်းခံခဲ့ရသော    အာတီတာသည်   မေလက ကျင်းပခဲ့သည့် ချန်ပီယံလိဂ်ပြိုင်ပွဲနောက်ဆုံးဗိုလ်လုပွဲတွင် ပီအက်စ်ဂျီအသင်းကို ရှုံးနိမ့်ပြီး ဖလားဆွတ်ခူးခွင့်လွဲချော်ခဲ့သော်လည်း  ပြီးခဲ့သည့် ရာသီတွင် နှစ်ပေါင်း ၂၀ အတွင်း ပရီမီယာလိဂ်ဖလားကို ဆွတ်ခူးရရှိအောင် စွမ်းဆောင်ထားသည်။ ထို့အပြင် ၎င်းသည် ၂၀၁၉-၂၀၂၀ ရာသီတွင်လည်း အက်ဖ်အေဖလားကို ဆွတ်ခူးရရှိအောင် စွမ်းဆောင်ထားသည်။

၎င်းသည် အာဆင်နယ်အသင်းကို ပွဲပေါင်း ၃၆၁ ပွဲ တာဝန်ယူကိုင်တွယ်ထားပြီး ၂၂၄ ပွဲနိုင်၊ ပွဲ ၆၀ သရေ နှင့် ၇၇ ပွဲရှုံးနိမ့်ထားသည်။ အာဆင်နယ်အသင်းသည် ယခုနှစ်ရာသီတွင် ပရီမီယာလိဂ် ငါးပွဲကစားပြီး လေးပွဲနိုင် တစ်ပွဲရှုံး ရလဒ်ဖြင့် အဆင့် ၂ နေရာတွင် ရပ်တည်နေသည်။ အာဆင်နယ်အသင်းသည် လာမည့်ပွဲစဉ်အဖြစ် အောက်တိုဘာ ၁၀ ရက်တွင် လိဒ်စ်အသင်းနှင့် ယှဉ်ပြိုင်ကစားသွားမည်ဖြစ်သည်။ 

အောင်ဇော်